Irudi litografiatua, paper abitelatu gainean estanpatua. Gipuzkoako Azpeitia herriko Loiolako santutegiaren ikuspegia erreproduzitzen du. Oinean izenburu hau du: "San Ignacio de Loyola en Guipuzcoa / Saint Ignace de Loyola dans le Guipuscoa". Genaro Pérez de Villaamilen marrazkia da, Bayot eta Cicérik litografiatua eta Parisko Imprenta Lemercier etxean inprimatua. Irudi hau "España Artística y Monumental. Vistas y descripción de los sitios y monumentos más notables de España" lanekoa da, Genaro Pérez de Villaamilek zuzendu eta gauzatutakoa, eta Patricio de la Escosurak idatzitako testuak ditu. Lan monumental hori Parisen editatu zuen A. Hauserrek eta Lemercierrek inprimatua, hiru liburukitan, 1842, 1844 eta 1850ean kaleratuak. Litografia hau, eta Euskadiri dagozkion gainerakoak, III. liburukian argitaratu ziren, 1850ean. Villaamilen egunerokoengatik dakigu Euskadira 1844ko abuztuan iritsi zela, Paristik, Irun, Hondarribia, Tolosa, Loiola eta Azpeititik igarota. Bilbon gelditu zen irailaren erdialdera, eta handik azkenean Iruñera abiatu zen.
Bilboko Estanpak = Estampas de Bilbao = Pictures of Bilbao. 1575-1860. Bilbao, Euskal Museoa-Museo Vasco, 2000. Pp 38-40
Arias Anglés, E. El paisajista romántico Jenaro Pérez de Villaamil. Madrid, Instituto Diego Velázquez, CSIC, 1986.
)
