Irudi litografikoa, paper gainean estanpatua bi tintekin (beltza eta sepia). Izenburua goiburuan eta oinean du: "Vizcaya / - Dima / Puente de Arzubia". Bizkaiko Dima herriaren irudi bat erakusten du.
Juan Eustaquio Delmasek marraztua eta litografiatua.
"Viaje Pintoresco por las Provincias Vascongadas. Obra destinada a dar a conocer su historia y sus principales vistas, monumentos y antigüedades, etc en láminas litografiadas copiadas del daguerrotipo y del natural por J. D. y acompañadas de texto" lanekoa da estanpa. Nicolás Delmasek inprimatu eta argitaratu zuen lan hori, Bilbon, 1846an. Faszikuluetan kaleratzeko argitalpen moduan sortu zen, baina amaitu gabe gelditu zen. Bizkaiari zegokion zatia baino ez zuten kaleratu, hainbat egileren testuekin (Francisco de Hormaeche, Luis Mª Elejaga eta Juan Eustaquio Delmas) eta 29 estanpa litografikorekin.
Delmas. Bizkaia en el siglo XIX a través de una familia de impresores = Delmas, Bizkaia XIX.mendean inprimatzaile familia baten bitartez aztertuta. Bilbao, Euskal Museoa-Museo Vasco, 1989.
)
