Jende ugari Bilbon 1917an Sota y Aznar ontzi-enpresaren Artagan Mendi uretaratzean, besteak beste, Ramón de la Sota eta Francisco Landeta ontzi-kapitaina.
1916ko otsailaren 12an hasi zen ARTAGAN-MENDI eskola-ontziaren eraikuntza, Compañía Euskalduna ontziolako nasetan bere gila jarriz. Altzairuzko lurrunontzia zen, helize bidez mugitua, hedapen hirukoitzeko makinaz hornitua eta Lloyd’s Register erakundeak +100 A1 gisa sailkatua. 121,9 metroko luzera, 16,31 metroko zabalera eta 8,56 metroko puntala zituen; 5.717,63 erregistro-tona gordin eta 12.000 tonako desplazamendua. Ontziaren prezioa 90.000 libera esterlinakoa izan zen (1.845.000 pezeta), sei epetan ordaindua. Eraikuntza 1917ko urriaren 12an amaitu zen, eta bi egun geroago Mozambikerako bere lehen bidaia egin zuen.
)
