Akuarelak Ama Begoñakoa eskola-ontzia irudikatzen du itsaso zabalean. Ontzia popa aldetik ikusita ageri da eta istriborreko banda erakusten du, apur bat eskoratuta eta bela guztiak zabalduta: bela karratuak masta nagusietan eta brankan fokeak, aurrerantz doan mugimenduaren sentsazioa indartzen dutenak. Kroskoa, lerro klasiko eta dotorekoa, zehaztasunez nabarmentzen da tonu berdexka eta urdinxkako itsaso baten gainean, olatuen mugimendua iradokitzen duten pintzelkada soltez landua. Beheko eskuineko angeluan egilearen sinadura ikus daiteke, Juan Carlos Arbex: JC Arbex, 00 (2000).
Ama Begoñakoa 1902an eraiki zen, Sir Ramón de la Sota y Llanoren enkarguz, Dumbartongo MacMillan & Co ontziolan, Clyde ibaiaren ertzean, Glasgow inguruan. Sota y Aznar ontzi konpainiaren lehen eskola-ontzia izan zen.
)
