Museotik Bisita birtual TOPIC

TOPIC, Tolosako Nazioarteko Txotxongilo Zentroa, 2009an inauguratu zen, eta Europan txotxongiloari osotasunean eskainitako zentro integral bakarra da. Bere 3.600 m2-tan, erakusketa iraunkorra, aldi baterako erakusketak, dokumentazio zentroa, 250 ikuslerentzako edukiera duen antzoki bat, txotxongilo konpainientzako ekoizpen, entsegu eta muntaia gela, eta eskoletarako eta familientzako ikastaroak emateko tailerrak ditu.

TOPIC-ek 2.800 pieza baino gehiagoko txotxongilo bilduma bikaina du, mundu osoko hainbat herrialdetatik datorrena eta txotxongiloak manipulatzeko hainbat teknikaz osatua.

Era berean, urtero TITIRIJAI, Tolosako Txotxongiloen Nazioarteko Jaialdia antolatzen du, txotxongiloen artearen profesionalentzat erreferentzia bihurtu dena.

TOPIC, txotxongilo-artearen garapen, sustapen eta hobekuntzarako helburuak partekatzen dituzten guztientzat eskuragarri dagoen espazioa da, bere zentzurik zabalenean, tradiziotik abangoardiara.