Galdaragintzan eta forjatzean egindako lanabesa. Kobrezko ontzi bat da, galdara bat, letoizko estalkia du, moldadura bidez egindakoa eta zulatua, eta tornuan landutako zurezko kirtena. Bi piezak burdinazko pieza baten bidez daude elkartuta. Pieza horrek, galdarari josita, luzakin koniko bat du amaieran, eta han sartzen da kirtena. Oheak berotzekoa oso elementu erabilia izan zen etxebizitzetan, etxeetan berokuntza sistema integralik ez zegoen eta logelak neguan bereziki hotzak ziren garaietan. Tximiniatik hurbil zintzilikatuta, erabiltzeko beheko suko txingarrak sartzen ziren galdaran eta, ohea irekita, oheak berotzekoa zenbait alditan igarotzen zen maindireetan epeldu arte, heze eta hotz egon ohi baitziren.
)
