Irudi litografikoa, "Route et Venta dans les montagnnes de Biscaye près de Vittoria" izenburua duena, hau da, bidea eta benta Bizkaiko mendietan, Gasteiztik gertu. Goiko eta eskuineko aldean, jatorrizko lanaren barnean dagokion liburukia eta zenbakia daude adierazita: "T II, Pl. 13". Irudi hau Bacler d¿Albe jeneralaren "Souvenirs Pittoresques, contenant la Campagne d'Espagne" lanekoa da, Parisen argitara emandakoa 1824an. Lana bi zatitan kaleratu zen, lehena Suitzari eskainia, 1818an, eta bigarrena Espainiari eskainia. Bigarrena 102 irudi orrik eratu zuten, 17 faszikulutan kaleratuta. Denek gerrako eszenak, ikuspegiak... erakusten dituzte, Independentzia Gerraren garaikoak. Irudiak Bacler d¿Albe jeneralak marraztu zituen. Lanbidez margolaria zen eta Napoleonen agindupean aritu zen, geografiako aditu moduan. Independentzia Gerraren ondoren, Gerrako Biltegiaren zuzendaria izan zen.
)
