"Txerriaren zozketa tradizionalerako" txartelak, 1992. eta 1994. urteetan egindakoetarako. 1. "Txerriaren zozketa tradizionalean" parte hartzeko zazpi txartel. Bilboko Erriberako Azokako Merkatarien Elkarteak antolatu zuen, eta 1992ko abenduaren 21ean egin zen. 193.511 eta 193.517 zenbakien artekoak dira. 2. "Txerriaren zozketa tradizionalean" parte hartzeko zazpi txartel.1994ko urtarrilaren 17an egin behar zuten zozketa, San Anton egunean, Bilboko Erriberako azokan, eta Erriberako Azokako Merkatarien Elkarteak eta "Txarriduna" Txerriaren Akademiak antolatu zuten. 267.254 eta 267.259 zenbakien arteko txartelak dira. Egun horretan zozkatu zuten txerriak Tiberio II.a izena zuen. Txerriaren zozketa ohitura sendotua izan zen Bilbon, jatorria 1831 aldera zuena. Orduan Erruki Etxe Santuak antolatzen zuen, erakunde horretan hartuta zeuden zahar eta umezurtzentzat dirua biltzeko helburuarekin. XIX. mendearen amaieran desagertu egin zen, 1933an berreskuratu egin zuen Radio Bilbao irrati etxeak eta 1981 arte egin zuten, urte horretan itxi baitzuten erakundeko babes-etxea. 1992an berriro egiten hasi ziren, orduan Txarriduna Txerriaren Akademiak eta Erriberako azokako merkatariek antolatuta, eta jai izaera baino ez zuen. Zozkatutako lehen txerriari Tiberio izena jarri zioten eta Tiberio IX.ak amaitu zuen saga hasi zuen, 2001ean behin betiko utzi baitzuten bertan behera zozketa, animaliak babesteko Europako legea urratzeagatik.
)
)
